اقوام متحدہ جنرل اسمبلی دے نو منتخب صدر وولکن بوز کردی وزیر خارجہ شاہ محمود قریشی رلے سانجھی پریس کانفرنس

جموں تے کشمیر دے تنازعے دے حل نال جنوبی ایشیاءاچ امن تھی سگدے،کشمیر بارے سلامتی کونسل دی قرارداداں وی موجود ہن،جنوبی ایشیاءاچ امن سانگے کشمیر دے مسئلے دا حل ضروری اے،کشمیر دے مسئلے بارے ترکی حکومت دا اصولی اتے ڈو ٹوک موقف اے،وزیراعظم عمران خان جگ اچ امن اتے ترقی دا وژن اتے موسمیاتی تبدیلی ،غریبی مکاونڑ اتے بئے معاملیاں تے کلیدی سوچ رکھیندن،
اسلام آباد ۔ 10 اگست (اے پی پی) اقوام متحدہ جنرل اسمبلی دے نو منتخب صدر وولکن بوزکر آکھیا جو جموں تے کشمیر دے تنازعے دے حل نال جنوبی ایشیاءاچ امن تھی سگدے،کشمیر بارے سلامتی کونسل دی قرارداداں وی موجود ہن،جنوبی ایشیاءاچ امن سانگے کشمیر دے مسئلے دا حل ضروری اے،کشمیر دے مسئلے بارے ترکی حکومت دا اصولی اتے ڈو ٹوک موقف اے،وزیراعظم عمران خان جگ اچ امن اتے ترقی دا وژن اتے موسمیاتی تبدیلی ،غریبی مکاونڑ اتے بئے معاملیاں تے کلیدی سوچ رکھیندن۔سنوار کوں قوام متحدہ جنرل اسمبلی دے نو منتخب صدر وولکن بوز کردی وزیر خارجہ شاہ محمود قریشی رلے سانجھی پریس کانفرنس کریندیں ہوئیں آکھیا جو خطے اچ علاقائی سلامتی سانگے سیاسی اتے سفارتی ذرائع کوں استعمال کر نڑاں چاہیدے ۔وزیر خارجہ شاہ محمود قریشی ملاقات دی تفصیل ڈسیندیں ہوئیں آکھیا جو نو منتخب صدر وولکن بوزکر کوں کشمیر دی صورتحال بارے بریف کیتے اتے انہاں کوں مقبوضہ کشمیر اچ جاری انسانی حقوق دی سنگین خلاف ورزیاں اتے بھارت دے پنج اگست دے ہک پاسہ اقدامات اتے اوں پاروں خطے اچ امن کوں درپیش خطرے بارے و ی ڈسائے۔ایں دے علاوہ لویہ جرگہ دے اجوکے فیصلیاں اتے دوحہ مذاکرات تے وی گالھ تھئی اے۔وزیرخارجہ آکھیا جو پاکستان سمجھدے جو وسائل توں مالا مال مضبوط اقوام متحدہ عالمی امن تے سلامتی اتے معاشی ترقی دے فائدے اچ اے۔ہک سوال دا جواب ڈیندیں ہوئیں وزیرخارجہ آکھیا جو ہک سال اچ کشمیر دے مسئلے تے سلامتی کونسل اچ ترائے واری بحث تھیونڑ وڈی کامیابی اے اتے اساڈی خواہش اے جو کشمیر دا مسئلہ جنرل اسمبلی اچ وی بحث تھیوے جیڑھا جو جگ دا ساریاں توں وڈا پلیٹ فارم اے۔ یو این جنرل اسمبلی دے صدر آکھیا جو پاکستان دا اقوام متحدہ دا اہم ملک اتے جگ اچ یو این امن آپریشنز اچ پاکستان دا اہم کردار اے۔انہاں آکھیا جو اقوام متحدہ پاکستان نال نیڑے دے تعلق چاہندے۔انہاں آکھیا جو ترکی اتے پاکستان اقوام متحدہ کوں مضبوط ڈیکھنڑ چاہندن۔