اسلام آباد ۔ 26 اگست (اے پی پی) برآمدات تے مال برداری دے خرچیں اچ گزریل مالی سال وچ 11.16 فیصد ودھارا ریکارڈ کیتا گئے ۔ سٹیٹ بینک ولوں ایں حوالے نال جاری کیتے گئے اعداد و شمار موجب مالی سال 2019-20 ءاچ برآمدات تے مال برداری دے ضمن اچ 212.41 ملین ڈالردازرمبادلہ صرف تھیا جیرھا جو پیوستہ مالی سال دے مقابلے اچ 11.16 فیصد ودھ اے۔ مالی سال 2018-19 اچ برآمدات تے مال برداری دے خرچے دا حجم 191.08 ملین ڈالرریکارڈکیتا گیا ہئی ۔ اعدادوشمارموجب اجوکے مالی سال دے پہلے مہینے اچ برآمدات تے مال برداری دے خرچے دا حجم 11.78 ملین ڈالرریکارڈکیتا گیا۔ گزریل مالی سال دے پہلے مہینہ اچ برآمدات تے مال برداری دے خرچے دا حجم 19.60 ملین ڈالرریکارڈکیتاگیا ہئی۔
