ریلوے نیٹ ورک تے ایں سیزن اچ ڈو لکھ ونڑ لاونڑ دا ہدف رکھیے، وفاقی وزیر ریلوے شیخ رشید احمد

راولپنڈی ۔ 10 اگست (اے پی پی) وفاقی وزیر ریلوے شیخ رشید احمد ’ پاکستان ریلوے اچ راولپنڈی توں ونڑ لاونڑ دا منڈھ بدھ ڈتے۔ایں موقع تے راولپنڈی ریلوے سٹیشن دے نیڑے ڈگری کالج برائے خواتین اچ ونڑ لاکراہیں مہم شروع کیتی۔وزیرریلوے آکھیا جو ریلوے نیٹ ورک تے ایں سیزن اچ ڈو لکھ ونڑ لاونڑ دا ہدف رکھیے اتے سارے ریلوے ڈویژنز کوں وزیر اعظم دے ٹین بلین ٹری سونامی پروگرام دا حصہ بنڑنڑ دی ہدایت کیتی گئی اے۔انہاں آکھیا جو پاکستان کوں کلین اینڈ گرین بنڑیسوں۔انہاں آکھیا جو وزیراعظم پاکستان دے وژن کوں اگوں ودھیسوں۔