سکھر موٹروے پبلک پرائیوٹ پارٹنر شپ دے تحت مکمل تھیسی ، وفاقی وزیر مراد سعید دا ڈرائیونگ لائسنسنگ اتھارٹی اچ موٹروے پولیس دی 2سالہ کارکردگی جائزہ دی تقریب توں خطاب

اسلام آباد ۔ 13 اگست (اے پی پی) وفاقی وزیر مواصلات و پوسٹل سروسز مراد سعید آکھیے جو سکھر موٹروے پبلک پرائیوٹ پارٹنر شپ دے تحت مکمل تھیسی ، آئندہ موٹروے دے ہر پی سی ون اچ موٹروے پولیس دیاں ضرورتاں دا خیال رکھیا ویسی ، پچھلے ڈو سال اچ نیشنل ہائی ویز اینڈ موٹروے پولیسM-3 (لاہور۔عبدالحکیم)،M-5 (ملتان۔سکھر)،N-55 (سہیون۔رتوڈیرو)، E-35 (حویلیاں۔تھاکوٹ)، سوات ایکسپریس وے تعینات تھئی۔ اے گال انہاں خمیس کوں نیشنل ہائی ویز اینڈ موٹروے پولیس ڈرائیونگ لائسنسنگ اتھارٹی اچ نیشنل ہائی ویز اینڈ موٹروے پولیس دی گزریل 2سالہ کارکردگی جائزہ دی تقریب توں خطاب کریندے ہوئیں آکھی اے ۔ تقریب اچ وفاقی سیکرٹری مواصلات ظفر حسن، انسپکٹر جنرل نیشنل ہائی ویز اینڈ موٹروے پولیس ڈاکٹر سیّد کلیم امام، ریجنل کمانڈرز، زونل کمانڈرز، سیکٹر کمانڈرز دے علاوہ، وزارت مواصلات، این ایچ اے اتے نیشنل ہائی ویز اینڈ موٹروے پولیس دے اعلیٰ حکام، سینئر پولیس افسران اتے میڈیا دے نمائندیں دے علاوہ لوکاں دی ودھ ساری تعداد شرکت کیتی ۔تقریب نال خطاب کریندے ہوئیں وفاقی وزیر مواصلات مراد سعید آکھیے جو پورے ملک دے موٹرویز تے 1122دی سروس کوں فعال کریسوں ، غریب طبقے دی فلاح دے فیصلیں نال کورونا کوں شکست ڈیونڑ اچ مدد ملی اے ۔