متحدہ عرب امارات، فضائی کمپنیاں دے ٹکٹ دے اگھ 50 فیصد گھٹ کرڈتے گئن

دبئی ۔ 28 اگست (اے پی پی) متحدہ عرب امارات دیاں فضائی کمپنیاں ولوں امارات واپسی دے ٹکٹاں دے اگھ 50فیصد تئیں گھٹ کرڈتن ۔الامارات الیوم موجب فضائی کمپنیاں دے عہدیداراں ٹکٹاں دے اگھ گھٹ کرنڑ دی وجہ ڈسیندے ہوئیں آکھیے جو اصل اچ گرمیاں دے موسم دیاں چھٹیاں مکدیاں پن تے آندے ہفتے توں نواں تعلیمی سال شروع تھیندا پئے ایں تناظر اچ سفر کرنڑ آلیں دی تعداد گھٹ تھی گئی اے جڈاں جو بہوں سارے طلبہ، انہاں دے سرپرست اتے اساتذہ امارات واپس پج گن۔نیرافا سیاحتی کمپنی دے ایگزیکٹو چیئرمین علا العلی آکھیے جو امارات واپس آونڑ آلے غیرملکیاں کوں ٹکٹاں اچ 50 فیصد تئیں رعایت ڈتی ویندی پئی اے ۔انہاں آکھیے جو انہاں ڈینھاں واپس آونڑ آلیں دی تعداد گھٹ تھی گئی اے کیوں جو بہوں سرے غیر ملکی امارات واپس پج گن ۔