وزیراعظم عمران خان ٹائیگر فورس نال رل تے ملکی تاریخ دی ساریں توں وڈی شجرکاری مہم شروع کریندے پئن ، عثمان ڈار

اسلام آباد ۔ 9 اگست (اے پی پی) وزیراعظم دے معاون خصوصی امور نوجوانان عثمان ڈار آکھیے جو اج پاکستان دی بہتری تے آندیاں نسلاں دی سلامتی کیتے وزیراعظم عمران خان ٹائیگر فورس دے نال رل تے ملکی تاریخ دی ساریں توں وڈی شجر کاری مہم شروع کریندے پئن ۔اتوار کوں آپدے ٹویٹ اچ انہاں آکھیے جو میڈی اپوزیشن جماعتاں دے سربراہان تے ارکان توں درخواست اے جو ملکی مفاد دی خاطر سیاسی اختلافات ہک پاسے رکھ تے ایں قومی مہم دا حصہ بنڑن ۔