منصوبے نال پشاور اتے نیڑے دے شہریاں کوں جدید سفری سہولتاں ملسن، بی آر ٹی دا ٹریک 27 کلو میٹر، فی سٹاپ کرایہ 10 روپے ، مکمل سفر 50 روپے اچ تھیسی
پشاور۔ 13 اگست (اے پی پی) وزیراعظم عمران خان ’پشاور بی آر ٹی منصوبے دا افتتاح کر ڈتا ۔خمیس کوں وزیراعظم عمران خان پشاور دا دورہ کیتا جتھاں انہاں بی آر ٹی منصوبے دا افتتاح کیتا۔وزیر اعلیٰ خیبر پختونخوا محمود خان، گورنر خیبر پختونخوا شاہ فرمان دے علاوہ وزیر دفاع پرویز خٹک، وزیر مذہبی امور پیر نور الحق قادری اتے صوبائی وزراوی ایں موقع تے موجود ہن۔وزیراعظم عمران خان کوں ایں منصوبے بارے بریفنگ ڈتی گئی ۔وزیراعظم کوں ڈسیا گئیا جو منصوبے نال پشاور اتے نیڑے دے شہریاں کوں جدید سفری سہولتاں ملسن، بی آر ٹی دا ٹریک 27 کلو میٹر، فی سٹاپ کرایہ 10 روپے ، مکمل سفر 50 روپے اچ تھیسی ۔ افتتاحی تقریب چمکنی ڈپو اچ تھئی۔ہک اسٹیشن توں ڈوجھے سٹیشن دا فاصلہ 850میٹر اے۔حکومت ولوں بی آرٹی بس اچ سفر کرنڑ سانگے شہریاں اچ صرف ترائے ڈینھ اچ 80ہزار کارڈ مفت ڈتے گئن۔
