دبئی ۔ 25 اگست(اے پی پی)وسیب سنگت دبئی اپنڑے وسیب دی مہاندری تریمت اگوانڑصحافی ڈاکٹر سعدیہ کمال کوں نیشنل پریس کلب اسلام آباد دی ڈوجھی واری نائب صدر چنڑیجنڑ تے مبارک ڈتی اے۔ انہاں کامیابی دی خوشی اچ رل تے کیک کٹیے اتے مٹھائی وی ونڈی۔وسیب سنگت دے مہاندرے بھراواں شبیر احمد،شبیر مجید، کاشف کمال، احمد عابد،شاہین اقبال سودھا بئی سنگت خوشی ڈکھیندے آکھیے جو اے وسیب کیتے مانڑ دی گالھ اے جو اتلی پڑھی لکھی، با ادب اتے باکمال صحافی ملک دے دارالخلافے دی صحافتی برادری اچ اپنڑا نویکلا ناں کمایے اتے ڈوجھے واری وڈی وتھی نال این پی سی دی ولا نائب صدر چنڑیجن۔انہاں دعا کیتی جو ادی سعدیہ کمال جگ اچ ایویں وسیب اتے ملک دا ناں اچا کریندی راہوے،اساں اتھاں اوپرے وطن اچ ایں کامیابی تے مانڑ نال نئیں جھلیندے اتے دعاگو ہیں جواوہر سطح تے سادا مانر ودھیندی راہوے اتے جگ اچ بنھاں تریمتیں کیتے مثال ہووے۔
