مختلف شعبیان اچ وطن دا ناں روشن کرنڑ آلے صحافیاں،مصنفین،لکھاریاں،فنکاراں اتے وڈی شخصیات کوں سلام پیش کریندوں،باصلاحیت لوک ملک دا قیمتی اثاثہ ہن،انہاں دی صلاحیتاں دے اعتراف نال ای نویں ٹیلنٹ کوں ابھاریاونج سگدے،اے وطن قائد اعظم محمد علی جناں اتے انہاںدے رفقاءدی وڈی جدوجہد اتے اساڈے وڈیاں دی قربانیاں پاروں وجود اچ آئے،اے وطن اساڈا گھر اے،اساں رل تے ایں وطن دی ترقی سانگے کردار اداد کرنڑے،
اسلام آباد ۔ 14 اگست (اے پی پی)وفاقی وزیر اطلاعات و نشریات سینیٹر شبلی فرازآکھیا جو مختلف شعبیان اچ وطن دا ناں روشن کرنڑ آلے صحافیاں،مصنفین،لکھاریاں،فنکاراں اتے وڈی شخصیات کوں سلام پیش کریندوں،باصلاحیت لوک ملک دا قیمتی اثاثہ ہن،انہاں دی صلاحیتاں دے اعتراف نال ای نویں ٹیلنٹ کوں ابھاریاونج سگدے،اے وطن قائد اعظم محمد علی جناں اتے انہاںدے رفقاءدی وڈی جدوجہد اتے اساڈے وڈیاں دی قربانیاں پاروں وجود اچ آئے،اے وطن اساڈا گھر اے،اساں رل تے ایں وطن دی ترقی سانگے کردار اداد کرنڑے۔ پریس انفارمیشن ڈیپارٹمنٹ ’ یوم آزادی دے موقع تے انہاں شخصیات دے اعتراف اچ تقریب کر تے سوہنڑاں کم کیتے۔اے گالھیں انہاں وزارت اطلاعات تے نشریات دے ذیلی ادارے پریس انفارمیشن ڈیپارٹمنٹ ولوں وطن سانگے کم کر تے ناں بنڑاونڑ آلے صحافیاں، لکھاریاں، مصنفین، اداکاراں اتے فن موسیقی دے لوکاں اچ ایوارڈ ڈیونڑ دی تقریب نال خطا ب کریندیں ہوئیں آکھی۔انہاں آکھیا جو اے ملک اساں ڈے اکابرین دی امانت اے ۔انہاں آکھیا جو وطن گھر وانگوں اے جئیں دی تعمیر نہ کیتی گئی تاں اے کھنڈر بنڑ ویسی۔انہاں آکھیا جو میں نہ سیاسی ہن ،نہ سیاست دا کوئی شوق ہئی پر وزیراعظم عمران خان دی شخصیت توں متاثر تھی کراہیں سیاسی پڑ اچ آیاں ،جنہاں ملک دی ترقی دا بیڑہ چاتے اتے اساں اپنڑے حصے دا کم کریندے پیوں۔انہاں آکھیا جو ساکوں کشمیری بھینڑ بھراواں دی تکلیفاں دا وی اندازہ اے ،اساں اپنڑاں آزادی دا ڈینھ منیندیں ہوئیں بھارتی مقبوضہ کشمیر دے نہتے بھینڑ بھراواں نال یکجہتی کریندوں۔ایں موقع تے قومی خبر رساں ادارے ”اے پی پی“ دے منیجنگ ڈائریکٹرطارق محمود خان ، ڈائریکٹر جنرل ریڈیو پاکستان عنبرین جان ، ”اے پی پی“ دے ایگزیکٹیو ڈائریکٹر غواث خان اتے وزارت اطلاعات دے سینئر افسر وی موجود ہن ۔ایوارڈ گھنڑ آلیاں اچ سینئر صحافی، مصنف، کالم نگار ضیاءالرحمن کاشمیری، سینئر صحافی نثار احمد شاکر، پی ٹی وی دی پہلی اناﺅنسر کنول نصیر، نیئر کمال، اداکارہ لیلیٰ زبیری، بلوچ موسیقی دی نامور شخصیت تاج بلیدی، ادبی وتے شعری حلقہ دی معروف شخصیت جاوید احمد، اداکار ایوب کھوسو، پی ٹی وی دے سابق ڈائریکٹر ٹریننگ خواجہ نجم الحسن، ڈرامہ دی صنعت توں رابعہ تبسم، سجاد کشور، نصرت فتح علی خان دے صاحبزادے طبلہ نواز ریئس احمد خان شامل ہن۔معروف گلوکاراں ملی نغمے اتے لوک گیت وی پیش کیتے۔
