اسلام آباد ۔ 19 اگست (اے پی پی) کپاہ دیاں قیمتاں گھٹ ودھ تھیونڑ نال ٹیکسٹائل دی پاکستانی برآمدات دے ودھارے اچ مدد ملی اے ۔ جولائی 2020ءوچ ٹیکسٹائل دی ملکی برآمدات 33 فیصد ودھ گن، ایں دوران برآمدات دا حجم 1.27 ارب ڈالر تھی گیا۔ ادارہ برائے شماریات پاکستان (پی بی ایس) دی رپورٹ موجب بین الاقوامی مارکیٹ اچ کپاہ دیاں قیمتاں جولائی 2020ءوچ ترائے فیصد تئیں ودھ گن ۔ عالمی مارکیٹ اچ کپاہ دی قیمت ودھنڑ پاروں ٹیکسٹائل دی پاکستانی برآمدات دے ودھارے اچ وی مدد ملی اے۔ رپورٹ موجب جولائی 2019ءدے دوران 1.11 ارب ڈالر دی برآمدات کیتیاں گیاں ہن اینویں جولائی 2019ءدے مقابلے اچ جولائی 2020ءوچ ٹیکسٹائل دی پاکستانی برآمدات اچ 14.4 فیصد جڈاں جو جون 2020ءدے مقابلے اچ جولائی 2020 ءدے دوران ٹیکسٹائل دی قومی برآمدات اچ 33 فیصد ودھارا ریکارڈ کیتا گئے ۔
