اسلام آباد ۔ 20 اگست (اے پی پی) گزریل مالی سال چاہ دی پتی دی درآمدات 6.81 فیصد گھٹ تھئی اے ۔ ادارہ شماریات پاکستان (پی بی ایس) دے اعداد وشمار موجب گزریل مالی سال 2019-20ءدے دوران چاہ دی درآمدات دا حجم 532.776 ملین ڈالر تئیں گھٹ تھی گیا جڈاں جو مالی سال 2018-19ءدے وچ 571.690 ملین ڈالر مالیت دی چاہ درآمد کیتی گئی ہئی ۔مالی سال 2018-19ءدے مقابلے اچ گزریل مالی سال وچ چاہ دی قومی درآمدات اچ 38.914 ملین ڈالر یعنی 6.81 فیصد گھٹکی ریکارڈ کیتی گی اے ۔ پی بی ایس موجب ایں دوران بالحاظ وزن چاہ دی درآمدات 0.63 فیصد دی کمی نال 2 لکھ 22 ہزار 732 میٹرک ٹن دے مقابلے اچ 2 لکھ 21 ہزار 319 میٹرک ٹن تئیں گھٹ تھئی اے ۔رپورٹ موجب جون 2020ءدے دوران چاہ دی درآمدات اچ 107.42 فیصد ودھارے نال درآمدات دا حجم 59.684 ملین ڈالر تئیں ودھ گے جڈان جو جون 2019ءدے دوران چاہ دی درآمدات دا حجم 28.775 ملین ڈالر رہیا ہئی ۔
