کشمیریاں تے بھارت دا بیا ظلم برداشت نئیں تھیندا، 3 اگست کوں لائن آف کنٹرول تے ویساں،کرونا گھٹدا پئے، قوم فرائض ضرور نبھاوے بھل کرونا توں وی بچنڑ دی احتیاط ورتے، وزیر خارجہ مخدوم شاہ محمودقریشی دی نماز عیددے بعد میڈیا نال گالھ مہاڑ

ملتان ۔ یکم اگست (اے پی پی) وزیر خارجہ مخدوم شاہ محمود قریشی آکھیے جو کشمیریاں تے بھارت دا بیا ظلم برداشت نئیں تھیندا، 3 اگست کوں لائن آف کنٹرول تے ویساں،کرونا گھٹدا پئے، قوم فرائض ضرور نبھاوے بھل کرونا توں وی بچنڑ دی احتیاط ورتے۔ملتان اچ دربار حضرت بہاﺅالدین زکریاتے نماز عید پڑھنڑ توں بعد میڈیا نال گالھ مہاڑ اچ انہاں آکھیا جوپنج اگست کوں مقبوضہ کشمیر اچ بھارتی محاصرے کوں ہک سال تھی ویسی،پنج اگست وڈے جذبے نال کشمیریاں دے رلے بطور” یوم استحصال منیسوں،پاکستان اچ تاں عید جذبے نال منائیک ویندی پئی اے بھل مقبوضہ کشمیر اچ کشمیریاں دا جھنڈا ڈھوایا گئے،اج وی جامع مسجد سری نگراچ عید نماز نئیں پرھنر ڈتی گئی،بھارت دا اے جبر قبول کائنی،بھارت بابری مسجددی جاہ تے مندر بنڑا تے پورے مسلماناں دا استحصال کریندا پئے۔انہاں آکھیا جو 5 اگست کوں سویلے 10وجے کشمیریاں نال یکجہتی کیتے ہک منٹ دی خاموشی کیتی ویسی، وزیر اعظم کشمیر اسمبلی نال خطاب کریسن اتے صدر مملکت اسلام آباداچ ریلی دی اگوانڑی کریسن جڈاں جو بئے شہراں اچ کشمیریاں نال یکجہتی کیتے ریلیاں اتے سیمینارتھیسن۔وزیر خارجہ آکھیا جو اراکین اسمبلی وی انہاں سیمیناراں اچ شرکت کریسن۔انہاں آکھیا جو ملک اچ کرونا دی تعداد گھٹ گئی اے جیکر غفلت تھئی تاں ساری محنت غارت تھی ویسی ،قوم عید تے ایس او پیز تے عمل کرن،حج وی مختصر کر ڈتا گئے، قوم کوں چاہیدے جو او فرائض نبھاون بھل احتیاط وی کرن۔