کشمیریاں نال ظہار یکجہتی، حکومت جموں و کشمیر تے بھارت دے غاصبانہ قبضہ اتے محاصرے کوں ہک سال تھیونڑ تے خصوصی یادگاریِ ٹکٹ جاری کر ڈتے،پنج اگست کوں جگ جانڑ ویسی جو پاکستان ڈٹ تے کشمیریاں دے نال کھڑے،بھارت کوں پورے جگ اچ بے نقاب کیتا ویسی، وفاقی وزیر اطلاعات و نشریات سینیٹر شبلی فراز اتے وفاقی وزیر برائے پوسٹل سروسز و مواصلات مراد سعید دی پریس کانفرنس

APP21-03 ISLAMABAD: August 03 - Federal Minister for Information and Broadcasting, Senator Shibli Faraz & Mr. Federal Minister for communications, Murad Saeed addressing the media persons on the occasion of unveiling the special postage stamp to mark Yaum-e-Istehsal of Kashmir on August 05. APP photo by Sadia Haidari

 

اسلام آباد ۔ 3 اگست (اے پی پی)کشمیریاں نال ظہار یکجہتی، حکومت جموں و کشمیر تے بھارت دے غاصبانہ قبضہ اتے محاصرے کوں ہک سال تھیونڑ تے خصوصی یادگاریِ ٹکٹ جاری کر ڈتے،پنج اگست کوں جگ جانڑ ویسی جو پاکستان ڈٹ تے کشمیریاں دے نال کھڑے،بھارت کوں پورے جگ اچ بے نقاب کیتا ویسی۔اے گالھ وفاقی وزیر اطلاعات و نشریات سینیٹر شبلی فراز اتے وفاقی وزیر برائے پوسٹل سروسز و مواصلات مراد سعید ہک مشترکہ پریس کانفرنس اچ آکھی۔ وفاقی وزیر اطلاعات و نشریات سینیٹر شبلی فرازآکھیے جو ڈاک ٹکٹ دا مقصدکشمیریاں نال اظہار یکجہتی دی پہلی کڑی اے تاں جو جگ کوں ڈسایاونجے جو بھارت کیویں ہتھو خالی اتے معصوم کشمیریاں تے ظلم دے پہاڑترڑیندا پئے،اے یادگاری ٹکٹ پورے جگ اچ ویسی اتے لوکاں کوں وی احساس ڈویسی جواو کشمیر اچ بھارت دے جبر دے خلاف اٹھی کھڑن اتے کشمیریاں دے بانہہ بیل بنڑن۔ انہاںا ٓکھیا جو وزیراعظم عمران خان دے اقوام متحدہ دی تقریر توں شروع تھیونڑ آلے پندھ تحریک آزادی کشمیر کوں ہک نواں ساہ ڈتے،اے پندھ ہنر مکنڑ آلا نئیں جے تئیں کشمیر کوں آزادی نئیں ملدی،پوری قوم پنج اگست کوں زوردار طریقے نال منیسی،پاکستانی سفارتخانیاں اچ تقاریب کر تے جگ کوں ہندوستان دا غیر قانونی چہرہ ڈکھیسوں،اے کشمیریاں کیتے سیاہ ڈینھ اے جیکوں اساں یوم استحصال دے طورتے منیسوں اتے پاکستانی تے کشمیری پرچم لہراتے کشمیریاں نال یکجہتی کیتی ویسی،ایں سانگے پورا پاکستان کشمیریاں دے نال کھڑے۔وفاقی وزیر برائے پوسٹل سروسز و مواصلات مراد سعیدآکھیا جویادگاری ٹکٹ دا مقصد جموں و کشمیر اچ جاری ہندوستان دی انسانیت دشمن سرگرمیاں اتے جموں و کشمیر دے مسلمانوں تے مظالم اتے انسانی حقوق دی خلاف ورزیاں بارے جگ کوں ڈساونڑ اے،اے خصوصی یادگاری ٹکٹ جموں و کشمیر دے مسلمان بھینر بھراواں نال پاکستان دی والہانہ محبت اتے وابستگی دا عملی اظہار اے،جیندے نال عالمی ضمیر کوں جنجھوڑیا ویسی،پاکستانی وزیر اعظم عمران خان دی اگوانڑی اچ کشمیریاں کوں کڈاھیں کلہا نہ چھڑیسن۔