اسلام آباد ۔ 16 ستمبر (اے پی پی) وزیراعظم عمران خان فیٹف بارے بل منظور تھیونڑ کوں ہک تریخی اقدام قرار ڈیندے آکھیے جو اپوزیشن فیٹف قانون سازی کوں وی اپنڑے کرپشن کیسزبچاونڑ کیتے استعمال کیتے، اج انہاں دارویہ ڈیکھ تے میڈا چنتا درست ثابت تھئے جو انہاں کوں ملکی مفاد نال کوئی سروکار کائنی۔پارلیمنٹ دے مشترکہ اجلاس اچ خطاب کریندے وزیراعظم فیٹف بل دی منظوری تے حکومتی اتے اتحادی پارٹی ارکان کوں خراج تحسین پیش کریندے آکھیے جو اج وڈا ڈینھ ہئی،جیکر بلیک لست اچ لگے گئے تاں پاکستان دے پابندیاں دا چنتا اے بھل افسوس اے جو اپوزیشن ایندے تے ہتھ ونڈاونڑ دی بجائے ہر موقع تے بلیک میلنگ کیتی اے،اپوزیشن دیاں چوتری ترامیم دا مقصد اے ہا جو ہر شئے دفن کر ڈیو،انہاں دی منی لانڈرنگ نال ہی پاکستان کوں اوکھ دیکھنڑا پئے،ملک لٹ پٹ تے اے لندن بھج ویندن،جیکر منی لانڈرنگ نہ تھیوے تاں ملک خوشحال ہووے ہا، گرے لست اچ نہ ونجوں ہا،قرض نہ گھنڑا پوندا،آئی ایم ایف دے اگو ٹھوٹھا وی نہ چاونڑا پووے ہا،انہاں کولو پچھو جو انہاں کوں منی لانڈرنگ روکنڑ تے کیا تکلیف اے؟ساکوں توں کوئی فکر کائنی۔اتنی فکرہے؟ موٹروے زیادتی کیس بارے انہاں آکھیا جو اینجھےو اقعات روکنڑ کیتے سخت قانون سازی دی لوڑھ اے تاں جومجرم وی عبرت پکڑے اتے تریمتیں وبالاں کوں وی تحفط ملے۔عمران خان آکھیے جو اپوزیشن میکوں مودی آلی کار لاک ڈاون دیاں صلاحیں ڈیندی ہئی، اج کروناقابو اچ اے انہاں کوں میڈی کجھ تاں تعریف کرنڑی چاہیدی اے،اج جگ وی ساڈی سمارٹ لاک ڈاون پالیسی کوں منیندے۔