اسلام آباد ۔ 27 ستمبر (اے پی پی) صدر مملکت ڈاکٹر عارف علوی آکھیے جو پاکستان امن ، خوبصورتی تے مہان نواز لوکاں دی سرزمین اے ، سیاح پاکستان دی خوبصورتی ڈیکھنڑ کیتے اتھاں ضرور آون ۔اے گال صدر مملکت اتوار کوں آپ دے ہک ٹویٹ اچ آکھی اے ۔ کوہ ہمالیہ ، کوہ قرا قرم اتے ہند کش پہاڑی سلسلے سحر زدہ خوبصورتی دا عکاس اے ۔ انہاں آکھیے جو ناگاپربت اتے کے ٹو دیاں چوٹیوں دی دلکشی اپنڑی مثال آپ اے ۔ انہاں آکھیے انہاں پہاڑی سلسے دی ہک واری سیر کرنڑ آلا ہمیشہ کیتے انہاں دیاں محبتاں اچ گرفتار تھی ویندے ۔ صدر مملکت آکھیے جو موہنجوداڑو ، ہڑپا اتے بدھ مذہب دے تاریخی اتے قدیم آثار سیاحواں کیتے کشش رکھیندن ۔ دلکش وادیاں ، حسین میدان اتے خوبصورت پہاڑی سلسلے پاکستان دی سنجانڑ ہن۔