اسلامو فوبیا، کرپشن، منی لانڈرنگ اتے چوری دا پیسہ ولاونڑ کیتے جامع فریم ورک بنڑایا ونجے،اقوام متحدہ جمہوریت ،شفافیت، مالی برابری ، احتساب اتے امن و سلامتی سودھا ہکو سویں ترقی کیتے جامع حکمت عملی ڈیوے وزیر اعظم عمران خان دااقوام متحدہ دی جنرل اسمبلی دے ورچوئل اجلاس نال خطاب

اسلام آباد۔25ستمبر(اے پی پی)پاکستان تنازعات توں پاک جگ دی خواہش کریندے اقوام متحدہ تے زور ڈتے جو او امن و سلامتی سودھا ترقی دے ہکو سویں مواقع کیتے کثیر الجہتی اشتراکیت دی حکمت عملی ڈیوے۔ وزیر اعظم عمران خان آکھیے جو اسلامو فوبیاتے فوری رد عمل ڈکھاونڑ دی لوڑھ اے۔اقوام متحدہ دی جنرل اسمبلی دے ورچوئل اجلاس نال اپنڑے خطاب اچ وزیراعظم عمران خان آکھیے جو بدعنوان اشرافیہ ترقی اچ رکاوٹ اے،منی لانڈرنگ اتے کرپشن وڈا مسلہ اے، ایندے نال معاشی بحران پیدا تھیندن،امیر ملکاں کوں کردارادا کریندے ہوئے ترقی پذیر ملکاں دی لٹی رقم ولا ڈیواونڑ کیتے کردارادا کرنڑا چاہیدے،جیکر اے سلسلہ ایویں ریہا تاں ترقی ہک خواب ہی رہ ویسی، چوری شدہ رقم دی واپسی کیتے عالمی فریم ورک بنڑاونڑا ہوسی۔ عمران خان آکھیے جو بھارت اچ آر ایس ایس دا ہندوتوا نظریہ نسل پرستی اتے مذہبی منافرت دا منڈھ اے جتھاں 20کروڑبھارتی مسلمان اتے 30کروڑ اقلیتاں اوکھیاں ہین ہندوتوا نظردے اچ پسدیاں پین، ایندے تے عالمی سطح تے حکمت عملی اپنائی ونجنڑی چاہیدی اے۔ عمران خان واضح کیتے جو پاکستان ہمیشہ مسلیاں دے پر امن اتے سیاسی حل دی گالھ کیتی اے، اساں افغانستان دا وی سیاسی حل چاہندے ہیں،افغانستان دے اندرو اتے باھرو امن کوں خراب کرنڑ دی کہیں کوں اجازت نہ ڈتی ویسی۔ فلسطین دی صورتحال تے الویندے انہاں آکھیا جو مشرق وسطیٰ اچ پائیدار امن ضروری اے،ایں سانگے اساں غزا دی پٹی دے ڈو ریاستی حل دے حامی ہیں۔ وزیر اعظم عمران خان مطالبہ کیتے جو جگ اچ امن و ترقی دا خواب پورا کرنڑ کیتے اقوام متحدہ حقیقی اگوانڑ بنڑدے ہوئے جمہوریت ،شفافیت، مالی برابری ، احتساب اتے ترقی کیتے جامع حکمت عملی ڈیوے۔