امریکہ اچ کورونا متاثرین 62 لکھ 11ہزار توں ودھ گئن

واشنگٹن ۔ یکم ستمبر (اے پی پی) امریکہ اچ مہلک کورونا وائرس توں متاثرہ لوکاں دی تعداد62 لکھ11ہزار توں ودھ گئی اے ،ملک دیاں مختلف ریاستاں اچ مہلک وائرس پاروں حالی تئیں ہک لکھ 87 ہزار 736 بندے ہلاک تھی گن ۔ منگل کوں امریکی ذرائع ابلاغ محکمہ صحت دے حکام دے حوالے نال ڈسائے جو ملک اچ کورونا وائرس دے فعال متاثرین دی تعداد 25 لکھ 67 ہزار توں ودھ اے جڈاں جو مہلک وائرس توں پورے ملک اچ ہنڑ تئیں مجموعی طور تے 187736 بندے ہلاک تھئن ۔ امریکی محکمہ صحت موجب ملک اچ کورونا وائرس دے کیساں دی تعداد6211796 تئیں پج گئی اے ۔پوری دنیا اچ کورونا وائرس دی وبا توں امریکہ ساریں توں ودھ متاثر تھئے ۔حکام موجب ملک اچ ہنڑ تئیں کورونا وائرس توں متاثرہ3456263 لوک صحتیاب تھی چکئن ۔