امریکہ دے جنگلاں وچ لگی بھاہ پاروں ہلاکتاں 35، ہزاراں گھر ، کاروبار ،کئی دیہات تباہ ،لکھاں ایکڑ جنگل سڑ تے کیری

واشنگٹن۔ 15ستمبر(اے پی پی) امریکہ دی شمال مغربی ریاستاں دے جنگلاں اچ لگی بھاہ پاروں ہلاکتاں دی تعداد 35 تھی گئی اے ۔بھاہ پاروں ہزاراں گھر ، کاروبار اتے کئی قصبے تباہ تے لکھاں ایکڑ جنگل سڑ تے کیری تھی گئے ۔جنہاں ریاستاں اچ بھاہ لگی اے انہاں اچ کیلیفورنیا، اوریگان اتے واشنگٹن شامل ہن۔ بھاہ پاروں دھوئیں توں امریکی شہراں سان فرانسسکو، سیاٹل اتے پورٹ لینڈ اچ آسمان رتا تھی گیا ۔خبر رساں ادارے ایسوسی ایٹڈ پریس موجب بھاہ توں متاثرہ شہراں اچ دھوئیںپاروں لوکاں کوں ساہ گھننڑ اچ اوکھ پیش آندی پئی اے اتے فضا اچ دھوئیں دے بادل لکھاں لوکاں دی صحت کیتے خطرہ بنڑ گئن۔ حکام موجب ریاست اوریگان دے شمال مغربی علاقیں اچ فضا صحت کیتے بہوں خطرناک اے ، ہزاراں لوک آپنڑاں گھر بار چھوڑ تے محفوظ جاہ تے منتقل تھی گئن ۔قومی موسمیاتی سروس موجب دھوئیں پاروں حدِ نگاہ 500 میٹر توں وی گھٹ تھی گئی اے جیں پاروں آونج اچ اوکھ دا سامنڑاں اے ۔