ساﺅتھمپٹن ۔ 2 ستمبر (اے پی پی) انگلینڈ اتے آسٹریلیا دی کرکٹ ٹیماں وچال ترائے بین الاقوامی ٹی ٹونٹی میچاں تے مشتمل سیریز دا پہلا میچ (کل) جمعے کوں ساﺅتھمپٹن دی جاہ تے کھیڈیا ویسی ۔ ڈوہیں ٹیماں وچال اے میچ نائٹ ہوسی۔ انگلینڈ دے ٹی ٹونٹی سکواڈ دی قیادت آئن مورگن کریسن ۔ آسٹریلوی ٹیم آرون فنچ دی قیادت اچ میدان اچ لہسی ۔ انگلینڈ اینڈ ویلز کرکٹ بورڈ پہلے ہی کینگروز دے خلاف ٹی ٹونٹی سکواڈ دا اعلان کر رکھیے جیں مطابق میزبان ٹی ٹونٹی ٹیم دی قیادت آئن مورگن کریسن جڈاں جو بئے کھلاڑیاں اچ معین علی، جوفرا آرچر، جوناتھن بیئرسٹو، ٹام بنٹن، سیم بلنگز، جوز بٹلر، سیم کورن، ٹام کورن، جو ڈینلی، کرس جورڈن، ڈیوڈ ملان، عادل راشد اتے مارک ووڈ شامل ہن ۔
