اسلام آباد ۔ 2 ستمبر (اے پی پی) فیڈرل بورڈآف ریونیو(ایف بی آر) کوں اگست 2020ءاچ ہدف توں ودھ کسٹمز ڈیوٹی ملی اے۔ ترجمان موجب کورونا وائرس پاروں محصولات وصولی اچ اوکھ تھئے بھل پاکستان کسٹمز اگست 2020 اچ کسٹمز ڈیوٹی دا مقر ر کردہ ہدف گھنڑ اچ کامیاب رہے۔ اگست 2020 کیتے مقر رہ ہدف 44.3 ارب روپے ہا جڈاں جو پاکستان کسٹمز 45.9 ارب روپے کھٹے کرگھدن جیڑھا اگست اچ مقر رہ ہدف توں 3 فیصدودھ اے۔اجوکے مالی سال دے پہلے ڈو مہینے اچ پاکستان کسٹمز 93.9 ارب روپے ریونیو کٹھا کیتے جڈاں جو مقر ر کردہ ہدف 87.3 ارب روپے ہا، ایویں 7.5 فیصد وادھو محصولات گھدن۔
