ایشیائی ترقیاتی بینک اتے پاکستان وچال معاہدے تے دستخظی تقریب،اے ڈی بی کیپیٹل مارکیٹاں دی کارکردگی اچ بہتری کیتے پاکستان کوں 30 کروڑ ڈالرڈیسی

اسلام آباد ۔ 30 ستمبر (اے پی پی)ایشیائی ترقیاتی بینک اتے پاکستان وچال معاہدے تے دستخط دی تقریب تھئی جیندے اچ وفاقی وزیر خسرو بختیار شرکت کیتی۔ وزارت اقتصادی اموراچ تھیونڑ آلے معاہدہ دے تحت اے ڈی بی کیپیٹل مارکیٹاں دی کارکردگی چنگی کرنڑ کیتے پاکستان کوں 30 کروڑ ڈالرڈیسی۔دستاویز تے سیکرٹری اقتصادی امور اتے ایشیائی ترقیاتی بینک دے ڈائریکٹر دستخط کیتن۔ وفاقی وزیر اقتصادی امور مخدوم خسرو بختیار آکھیا جو ایشیائی ترقیاتی بینک کیپیٹل مارکیٹاں دے ترقیاتی پروگرام تے وی سرمایہ کاری کریسی جیندے نال روزگار دے مواقع نکلسن، حکومت دی معاشی پالیسیاں دے چنگے اثرات آندے پین،ساڈا اے ڈی بی نال تعاون جاری رہسی۔