بیرون ملک مقیم پاکستانیاں کوں ملک اچ سرمایہ کاری،ترسیلات زر سانگے ہر سہولت اتے مراعات ڈتیاں ونجن، وزیرِ اعظم عمران خان دا اعلیٰ سطح اجلاس نال خطاب

اسلام آباد ۔ 24 ستمبر (اے پی پی) وزیرِ اعظم عمران خان آکھیے جو بیرون ملک مقیم پاکستانیاں کوں ملک اچ سرمایہ کاری،ترسیلات زر سانگے ہر سہولت اتے مراعات ڈتیاں ونجن۔اے ہدایت انہاں ترسیلات زر اتے زرمبادلہ دے ملکی ذخائر اچ ودھارے سانگے اجلاس دی صدارت کریندےآکھی۔ اجلاس اچ مشیر خزانہ ڈاکٹر عبدالحفیظ شیخ، سیکرٹری خزانہ، گورنر سٹیٹ بنک ڈاکٹر رضا باقر اتے سینئر افسران موجود ہن۔ اجلاس کوں ترسیلات زر اتے زرمبادلہ دے ذخائر ودھاونڑکیتے مختلف اقدامات اتے تجاویز تے غور کیتا گئے۔ وزیرِ اعظم عمران خان آکھیا جو ملکی معیشت دے استحکام اتے بہتری کیتے برآمدات ،درآمدی بدل (امپورٹ سبسٹی ٹیوشن)، غیر ملکی سرمایہ کاری ، ترسیلات زر تے زرمبادلہ دے ذخائر اچ ودھارا اہم اے،حکومت ایندے تے ودھ توجہ ڈیندی پئی اے،بیرون ملک مقیم پاکستانیاں کوں ملک اچ سرمایہ کاری،ترسیلات زر سانگے ہر سہولت اتے مراعات ڈتیاں ونجن۔