ترقی یافتہ ممالک کوں صحت وتعلیم دے شعباں اچ علم وتجربہ اچ باقی دنیا کوں رلاوڑاں چاہیدے،صدر مملکت ڈاکٹرعارف علوی دا ایسوسی ایشن آف پاکستانی فزیشنز شمالی یورپ دے ورچوئل اجلاس نال خطاب

اسلام آباد ۔ 24 ستمبر (اے پی پی) صدر مملکت ڈاکٹرعارف علوی آکھیے جو ترقی یافتہ ممالک کوں صحت وتعلیم دے شعباں اچ علم وتجربہ اچ باقی دنیا کوں رلاوڑاں چاہیدے،اے گالھ صدر مملکت ڈاکٹرعارف علوی دا ایسوسی ایشن آف پاکستانی فزیشنز شمالی یورپ دے ورچوئل اجلاس نال خطاب اچ آکھی۔انہاں آکھیے جو ملک اچ کرونا کوں کھنڈنڑ توں روکنڑ کیتے حکومت دی سمارٹ لاک ڈاﺅن دی حکمت عملی کامیاب تھئی اے،پاکستان عالمگیر وبا نال نبڑن کیتے جگ توں وکھرا طریقہ اپنائے،کرونا تے قابو پاتے اتے ایندے نال متاثرہ کمزور طبقیاں دا وی خیال رکھیے،ایں سانگے سارے اداریاں موثر کردارادا کیتے۔صدرمعالجاتی اقدامات دی بجائے تدارکی طریقاں تے زور ڈیندے آکھیا جومڈود وسائل اچ کروناسانگے ودھ تدارکی اقدامات کرنڑے چاہیدن،ترقی یافتہ ممالک کوں صحت وتعلیم دے شعباں اچ علم وتجربہ اچ باقی جگ کوں وی رلاونڑا چاہیدے۔