لاہور۔25ستمبر (اے پی پی )وفاقی وزیر ریلوے شیخ رشید احمد آکھیے جو نواز شریف دا اے پی سی نال خطاب جندال‘ مودی اتے رادی تقریر ہئی، نواز شریف کوں پہلے وی مریم نوازمروائے ہنڑ ولا مرویسی،اپوزیشن صرف سینیٹ دے الیکشن توں پہلے عمران خان نال بھڑن چاہندی اے،اپوزیشن استعفیٰ ڈیسی ،دھرنااتے نا ہی عدم اعتمادگھن آسی، اے جتھاں وی جلسہ کریسن میں اتھائیں جلسہ کر تے لوکاں کوں انہاں دا اصل چہرہ ڈکھیساں، طاقتور صرف اللہ تعالیٰ دی ذات اے۔ اے گالھ انہاں لاہور اچ کلین اینڈ گرین پاکستان دی تقریب نال خطاب اتے میڈیانال الویندے آکھی۔انہاں آکھیے جو فوج دے سربراہ نال ملنڑ شرماونڑ دی نئیں اعزاز دی گالھ اے،ہا چوری ملنڑ تے ضرور شرم آونڑی چاہیدی اے، میں حالی انہاں دیاں میل ملاقاتاں دا ڈسائے جیکر اے ایویں ٹپے مریندے رہے تاں ول ملک اچ وڈی ہلچل مچ ویسی،جیکر کوئی میکوں فوج دا ترجمان آہدے تاں اے مانڑ دی گالھ اے ،میں کوئی را دا ایجنٹ تاں کائنی،عوام کوں آکھساں جو او چوراں‘ ڈاکواں توں بغاوت کرن اتے عمران خان دا ہتھ ونڈاون،عمران خان کرپشن دا گند کجا صفا کرنڑ آئن اتے کر تے چھڑیسن۔
