ملتان ۔ 14 ستمبر (اے پی پی) حضرت غوث بہاالدین زکریا ملتانی دے عرس دیاں تیاریاں شروع تھی گئن ،عرس اچ اہم شخصیات دی شرکت دے پیش نظر ڈپٹی کمشنر عامر خٹک صفائی دی خصوصی ہدایات جاری کرڈتن جڈاں جو ملتان ویسٹ مینجمنٹ کمپنی شہر اچ خصوصی صفائی شروع کرڈتی اے اتے سی ای او عبدالطیف خان دی ہدایت تے صفائی پلان وی جاری کر ڈتے جیں اچ قلعہ کہنہ قاسم باغ اتے آسے پاسے ساریاں سڑکاں دی خصوصی صفائی روزانہ دے پلان وچ شال اے جڈاں جو صفائی دے 25 ورکرز تے مشتمل سکواڈ تعینات کر ڈتا گئے ایندے علاوہ گھنٹہ گھر چوک، دولت گیٹ چوک اتے واٹرورکس روڈ دی خصوصی صفائی جاری اے تے لوڈر ٹریکٹر اتے ٹرالیاں دے ذریعے کچرا تے ملبہ چاتا ویندا پئے،دولت گیٹ چوک توں دہلی گیٹ تئیں وی شیڈول اچ شامل اے نال ہی فوڈ سٹریٹ اتے حسین آگاہی اچ وی صفائی تے فوکس کیتا گئے ۔5 صفر کوں شروع تھیونڑ آلے ترائے ڈینھوار دے عرس دے موقع تے کمپنی قلعہ کہنہ قاسم باغ تے کیمپ لیسی ،کیمپ اچ ہر ویلھے صفائی دا عملہ موجود رہسی ۔زائرین دیاں رہائش گاہواں وی صفائی پلان وچ شامل ہن۔
