ملتان ۔22 ستمبر(اے پی پی)برصغیر دے عظیم روحانی پیشواحضرت غوث بہاﺅ الدین زکریاملتانیؒ دے 781ویں عرس دیاں ترائے ڈیہاڑی تقریبات (اج) شروع تھیسن۔سجادہ نشین وزیرخارجہ مخدوم شاہ محمود قریشی مزارکوں دھنوال تے چادرچڑھیسن جیندے بعد درباراچ قومی زکریاکانفرنس تھیسی ۔کانفرنس اچ پورے ملک توں علماءومشائخ شرکت کریسن۔ عرس دی اختتامی تقریبات جمعہ کوں تھیسن جیندے اچ سجادہ نشین اختتامی دعاکرویسن۔عرس کیتے محکمہ اوقاف انتظامات مکمل کر گھدن۔قلعہ کہنہ قاسم باغ دےا ٓسے پاسے سٹریٹ لائٹس لا ڈتیاں گین اتے وڈی تعداد اچ زائرین عرس تے آندے پین۔ایں سانگے سیکورٹی دے وی سخت انتظامات کیتے گین۔
