راولپنڈی ۔ 5 ستمبر (اے پی پی) پنجاب آرٹس کونسل اتے سرائیکی ادبی اکیڈمی دے اہتمام نال کراچی توں آئے ہوئے معروف دانشور سرائیکی عوامی سنگت دے صدر مشتاق فریدی دے اعزازاچ ہک خصوصی شام دا انعقاد کیتا گیا جیں دی صدارت نذیر لغاری کیتی، تقریب اچ مشاق فریدی دی 50 سالہ ادبی وثقافتی خدمات تے خراج تحسین پیش کیتا گیا، مشتاق فریدی دے فن و شخصیت تے گال کرنڑ آلیں اچ دلشاد محور، اصغر عابد، شفیق لغاری، طاہر بلوچ، عبدالرزاق چشتی، مظہر سعید گوپانگ، رانا ابرار خالد، ڈاکٹر سعدیہ کمال، ڈپٹی ڈائریکٹرآرٹس کونسل سجاد حسین اتے نذیرلغاری شامل ہن جڈاں جو نظامت دے فرائض شاہد دھریجہ ادا کیتے ، ڈاکٹر سعدیہ کمال مہماناں کوں خوش آمدید آکھیا جڈاں جو ڈپٹی ڈائریکٹر آرٹس کونسل سجاد حسین کونسل آمد تے سارے شرکا دا شکریہ ادا کیتا۔
