وزیراعظم عمران خان دے اقوام متحدہ دی جنرل اسمبلی دے 75 ویں اجلاس توں خطاب اچ اہم بین الاقوامی اتے علاقائی امور تے پاکستان دا موقف وضاحت، جرات وتدبر اتے بصیرت نال بیان کیتا گیا ، ترجمان دفتر خارجہ

اسلام آباد ۔ 26 ستمبر (اے پی پی) ترجمان دفتر خارجہ زاہد حفیظ آکھیے جو وزیراعظم عمران خان دے اقوام متحدہ دی جنرل اسمبلی دے 75 ویں اجلاس توں خطاب اچ اہم بین الاقوامی اتے علاقائی امور تے پاکستان دا موقف وضاحت، جرات وتدبر اتے بصیرت نال بیان کیتا گیا ، وزیراعظم عمران خان ریاست مدینہ دی طرز تے نویں پاکستان دی تعمیر دے آپنڑی حکومت دے وژن کوں بیان کیتا ۔ ہفتہ کوں دفتر خارجہ ولوں جاری بیان اچ ترجمان آکھیے جو وزیراعظم تنازعہ جموں وکشمیر کوں مفصل اتے مدلل انداز وچ پیش کیتے ، بھارتی جارحیت اتے ریاستی دہشت گردی، کشمیریاں دے حقوق اتے استصواب رائے دے حق دا وعدہ پورے کرنڑ تے زور ڈتا ۔انہاں آکھیے جو وزیراعظم مسئلہ فلسطین، افغان عمل، اسلاموفوبیا، کورونا، سرمائے دی غیرقانونی منتقلی دے اثرات اتے انہاں دے حل تے کھل تے گال کیتی ، ترجمان دفتر خارجہ آکھیے جو وزیراعظم عمران خان ماحولیاتی تبدیلی، سلامتی کونسل اچ اصلاحات اتے بین الاقوامی امن وسلامتی سویں اہم امور تے پاکستان موقف بیان کیتا ۔وزیراعظم عالمی وعلاقائی مسئلیں متعلق پاکستان ولوں ٹھوس تجاویز بین الاقوامی رہنماواں دے سامنڑیاں رکھیاں ۔ انہاں آکھیے جو وزیراعظم عمران خان جھیڑا جموں وکشمیر دے حوالے نال بھارتی غیرقانونی ویک طرفہ اقدامات اتے ریاستی دہشت گردی کوں علاقائی امن تے سلامتی کیتے خطرہ قرار ڈتا ،وزیراعظم عالمی برادری تے زور ڈتا جو ایں پرانڑیں مسئلے کوں اقوام متحدہ دی سلامتی کونسل دیاں قرارداداں دی روشنی اچ حل کراونڑ کیتے اقدامات کیتے ویسن ۔