ملتان ۔ 17 ستمبر (اے پی پی) وزیراعلیٰ پنجاب سردار عثمان بزدار اج خمیس کوں ملتان اچ مصروف ڈینھ گزریسن ۔وزیراعلیٰ عثمان بزدار نال ایڈیشنل چیف سیکرٹری ساوتھ پنجاب اتے جنوبی پنجاب سیکرٹریٹ اچ تعینات سیکرٹریز نال ملاقات کریسن ۔وزیراعلیٰ عثمان بزدار اراکین پارلیمنٹ اتے صنعتکاراں نال وی ملاقات کریسن ۔ وزیراعلیٰ نشتر میڈیکل یونیورسٹی اتے نشتر ٹو ہسپتال دے منصوبیں تے پیشرفت دا جائزہ گھسن ۔ او اج خمیس کوں یونیورسٹی آف انجینئر نگ دے نویں کیمپس دا سنگ بنیاد رکھیسن۔وزیراعلیٰ وکلاءبرادری دے اجتماع توں وی خطاب کریسن اتے وکلاءکیتے پیکیج دا اعلان وی کریسن ۔او اج خمیس کوں میڈیا دے نمائندیں نال وی گال مہاڑ کریسن ۔وزیراعلیٰ عثمان بزدار خصوصی لوکاں کوں جدید ترین وہیل چیئرز بنڑاونڑ دے سینٹر دا سنگ بنیاد رکھیسن۔ تریمتاں تے تشدد دے واقعات دے سدباب کیتے قائم سینٹر تے منشیات دے عادی لوکاں دی بحالی دے مرکز دا دورہ وی کریسن ۔وزیراعلیٰ عثمان بزدار پاکستان تحریک انصاف دے عہدیداراں اتے کارکناں نال ملسن تے شجر کاری مہم دے سلسلے اچ پیلکان ایونیو اچ بوٹا لیسن ۔
