وزیرِاعظم عمران خان دی زیر صدارت توانائی دی صورتحال بارے جائزہ اجلاس،وزیراعظم دی گیس دی طلب و رسد اچ فرق پاروں گیس دی بچت سانگے آگاہی مہم چلاونڑ دی ہدایت

اسلام آباد ۔ 22 ستمبر (اے پی پی)وزیرِاعظم عمران خان دی زیر صدارت ملک اچ گیس دی طلب و رسد دی موجودہ صورتحال اتے آندے کجھ ڈینہاں اچ قلت بارے جائزہ اجلاس تھئے جیندے اچ وزیرِ صنعت محمد حماد اظہر، وزیرِ منصوبہ بندی اسد عمر، وزیرِ توانائی عمر ایوب، مشیر خزانہ ڈاکٹر عبدالحفیظ شیخ، مشیر تجارت عبدالرزاق داود، معاون خصوصی برائے پٹرولیم ندیم بابر اتے بئے متعلقہ سینئر افسران شرکت کیتی۔اجلاس اچ ملک اچ گیس دی طلب و رسد دی موجود صورتحال، مقامی گیس دی پیداواراچ کمی، گیس دی لوڑھ پوری کرنڑ کیتے انتظامات تے بریفنگ ڈتی گئی اتے کجھ مہینے خاص کر دسمبر اتے جنوری اچ گیس دی طلب و رسد اچ فرق اتے ایکوں مکاونڑ کیتے ضروری اقدامات دا ڈسایا گئے جو ایندے کیتے صوبائی حکومتاں کوں ہتھ ونداونڑاں پوسی، نویں پائپ لائن وچھاونڑ نال 100۔150 ایم ایم سی ایف ڈی گیس دی سپلائی آ سگسی جیندے کتیے رائٹ آف وے دے معاملے تے سندھ حکومت کوں درخواست کیتی ویندی پئی اے تاں جو ایندے تے تیکھے عملدرآمدتھیوے۔وزیراعظم ہدایت کیتی جو گیس دی طلب و رسد اچ فرق پاروں گیس دی بچت سانگے آگاہی مہم چلائی ونجے۔