اسلام آباد ۔ 22 ستمبر (اے پی پی) وزیر خارجہ مخدوم شاہ محمود قریشی آکھیا جو جموں تے کشمیر دے تنازعے اقوام متحدہ دے پرانڑے اتے نشابر ناکامیاں نشابر کریندن،کشمیری عوام اقوام متحدہ دے وعدے دے تحت اپنڑے حقوق سانگے اج وی ڈیکھدی پئی اے،اقوام متحدہ طاقت دے استعمال دے سامھے بے وس اے،ڈوجھی جنگ عظیم دا موجب نسل پرستی اتے فسطائی قوتاں غیر ملکیاں اتے اسلام نال نفرت دی شکل اچ ولا سر چیندیاں پئن۔منگل کوں نیو یارک اچ اقوام متحدہ دی75ویں سالگنڈھ تے ویڈیو لنک توں خطاب کریندیں ہوئیں وزیرخارجہ آکھیا جو جنگ دی اذیت ناک سختیاں تے تباہ کاریاں اتے کجھ تے بئے تے برتری دے غلط نظریات دی راکھ نال اقوام متحدہ دی امید جمی ہئی ۔ایں ادارے دے وجود ہک تاریخی ضروری تقاضا پورا کیتے۔او ضروری تقاضا اے ہئی جو آونڑ آلی نسلاں کوں جنگ توں بچایا ونج سگے۔انہاں آکھیا جو جموں تے کشمیر دے تنازعے اقوام متحدہ دے پرانڑے اتے نشابر ناکامیاں نشابر کریندن،کشمیری عوام اقوام متحدہ دے وعدے دے تحت اپنڑے حقوق سانگے اج وی ڈیکھدی پئی اے،اقوام متحدہ طاقت دے استعمال دے سامھے بے وس اے،ڈوجھی جنگ عظیم دا موجب نسل پرستی اتے فسطائی قوتاں غیر ملکیاں اتے اسلام نال نفرت دی شکل اچ ولا سر چیندیاں پئن۔اگرچہ کورونا وبا دے مقابلے سانگے اساں بہوں عالمی تعاون ڈٹھے پر اے ادارہ بنی نوع انسان کوں اونویں کٹھا کرنڑ اچ ناکام تھی گئے جینویں اونکوں کیتا ونج سگدا ہئی ۔وزیرخارجہ آکھیا جو اقوام متحدہ اچ شامل اساں لوکاں کوں ناامیدی تے مایوسی دی لہر اتے ذاتی فائدے پاسے گھمدی ڈراﺅنی پیش گوئیاں کوں حقیقت دا روپ ڈیونڑ توں روکنڑ سانگے کھڑا تھیونڑاں پمسی۔ایں نیک کم اچ تساں ہمیش وانگوں پاکستان کوں اپنڑے نال کھڑا ڈیکھسو۔
