اسلام آباد ۔ 24 ستمبر (اے پی پی) وفاقی وزیر برائے منصوبہ بندی ترقی اتے خصوصی اقدامات اسد عمردی زیر صدارت کابینہ کمیٹی برائے توانائی دا اجلاس تھئے جیندے اچ وفاقی وزیر برائے توانائی عمر ایوب خان، وفاقی وزیر برائے اطلاعات و نشریات سینیٹر شبلی فراز، وزیراعظم دے معاون خصوصی ندیم بابر، شہزاد قاسم اتے ڈویژناں دے سینئر عہدیداراں شرکت کیتی۔ کابینہ کمیٹی برائے توانائی آئی پی پیز نال مذاکرات کیتے کمیٹی دی رپورٹ دا جائزہ گھدے۔ کمیٹی دے چیئرمین بابر یعقوب فتح محمد اپنڑے نتائج، آئی پی پیزاتے ایندی سفارشات نال مفاہمت دی یادداشتاں دے اہم نکات بارے ڈسایا۔وفاقی وزیر اسد عمر ایم او یوزدے معاہدیاں کوں حتمی شکل دیونڑ اتے عملدرآمد دا روڈ میپ تیار کرنڑ سانگے وزیر توانائی دی زیر صدارت ہک کمیٹی بنڑائی جیڑھی کمیٹی دی پیشرفت دا باقاعدگی نال جائزہ گھنسی۔
