تونسہ شریف ۔ 23 ستمبر (اے پی پی) پیر پٹھان حضرت خواجہ شاہ سلیمان تونسوی اتے شاہ نظام الدین تونسوی داسالانہ عرس تونسہ شریف اچ5صفر المظفرکوں شروع تھی گئے جیڑھاترائے ڈیہاڑے 7صفر تئیں جاری راہسی۔عرس سانگے مقامی سطح تے تونسہ شریف اچ 25 ستمبر7صفرکوں چھٹی دا اعلان کیتا گئے۔پیر پٹھان حضرت خواجہ شاہ سلیمان تونسوی دے عرس دی شروعات سجادہ نشین دربار سلیمانیہ سابق وفاقی وزیر خواجہ عطااللہ تونسوی مزار تے چادر چڑھا تے کیتی اتے دعا کرائی۔ست صفر کوں اختتامی دعا وی خواجہ عطااللہ کرویسن۔بئے پاسو جگر گوشہ پیر پٹھان حضرت نظام الدین تونسوی دے مزار تے عرس دیاں تقریباں خواجہ غلام اللہ بخژ معینی اتے خواجہ نصر المحمودچادر چڑھا تے شروع کیتن ۔ڈوہاں درباراں تے عرس دیاں تقریباں اچ محافل سماع جاری ہین جیندے کیتے سیکورٹی اتے زائرین دی رہائش و کھاونڑ پیونڑ دے چنگے انتظامات کیتے گین۔انتظامیہ مقامی سطح تے عرس دے موقع تے عام چھٹی دا اعلان کیتے۔عرس اچ شرکت کیتے وڈی تعداد اچ زائرین دا آونڑ دا سلسلہ جاری اے۔
