ملتان ۔ یکم ستمبر (اے پی پی) وزیراعلیٰ پنجاب عثمان بزداردی ہدایت تے کوہ سلیمان دے پہاڑی سلسلہ اچ نویں سیاحتی جاہ تے انہاں جہیں تے جدید سہولتاں ڈیونڑ دے سلسلے اچ 7ہزار فٹ توں ودھ اچی آلی نویں ٹورسٹ سائٹ ”مبارکی ٹاپ “پنجاب ٹورازم ڈویلپمنٹ کارپوریشن (ٹی ڈی سی پی )دے حوالے کرڈتی گئی اے ۔انچارج ٹورسٹ انفارمیشن سنٹرٹی ڈی سی پی ڈیرہ غازیخان شیخ اعجاز اے پی پی کوں ڈسائے جو کوہ سلیمان دے علاقے اچ ”پارک ویز“دے ناں توں ست نویں ٹورسٹ سائٹس ڈویلپ کیتی ویندی پئی اے جیں اچ مبارکی ٹاپ ،کلگئی ،بارتھی ،مٹ چانڈیہ ،ہک بائی ،اناری ٹاپ اتے سنگھڑشامل ہن ۔انہاں اچوں محکمہ بلڈنگ ترائے ٹورسٹ سائٹس دا کم پورا کرتے ٹی ڈی سی پی دے حوالے کرڈتن جیرھا جو عوام کیتے وی کھول ڈتیاں گئن باقی تے کم جاری اے جیڑھے منصوبے مطابق جون 2021ءتئیں کم پورا تھی ویسی ،انہاں سارے ٹورسٹ سائٹس تے آرام دی جاہ ٹک شاپس اتے بیاں سہولتاں ڈتیاں گن ۔انہاں ڈسائے جو مبارکی ٹاپ ساوا پہاڑی علاقہ اے جتھاں روزانہ مینھ وسدے تے رات کوں پالے دے موسم اچ برف باری معمول اے، اتھاں ونجنڑ کیتے فوربائی فور جیپ دی لوڑھ ہوندی اے حکومت دی کوشش اے جو جنوبی پنجاب دی ایں سیاحتی جاہ کوں مری دی طرز تے ترقی ڈتی ونجے جیں کیتے کم کیتا ویندا پئے ۔
