xاسلام آباد۔2اکتوبر (اے پی پی) مشیر خزانہ ڈاکٹر عبدالحفیظ شیخ دی زیر صدارت کابینہ دی اقتصادی رابطہ کمیٹی (ای سی سی )دا اجلاس کابینہ ڈویژن اچ تھئے ۔ای سی سی حکومتی سطح تے روس توں ہک لکھ 80 ہزار میٹرک ٹن کنڑک دی درآمد دی منظوری ڈیندے ہوئے سارے ٹیکسز اتے ڈیوٹیز مکاونڑ دا فیصلہ کیتے۔اے کنڑک حکومت دی سطح تے درآمدکیتی ویسی۔ سرکاری شعبہ اچ کنڑک دا ذخیرہ 5 ملین ٹن اے، نجی شعبہ 4 لکھ 30 ہزار ٹن کنڑک درآمد کریندا پئے اتے 1.1 ملین ٹن کنڑک دسمبر 2020 تئیں درآمد کیتی ویسی،پبلک سیکٹر اچ کنڑک درآمدکرنڑ کیتے ٹی سی پی 3 لکھ 30 ہزار ٹن کنڑک دی درآمدکیتے ایل سی کھولی اے جڈاں جو ٹریڈنگ کارپوریشن 1.2 ملین کنڑک درآمددے اقدامات کریندی پئی اے،روس توں بئی وی ہک لکھ 80ہزار ٹن کنڑک درآمدکیتی ویندی پئی اے۔
