تھانڑاں کلچر دی تبدیلی ساریں توں اہم مشن اے ،ایڈیشنل آئی جی جنوبی پنجاب

ملتان۔1اکتوبر (اے پی پی): ایڈیشنل انسپکٹر جنرل آف پولیس جنوبی پنجاب ظفراقبال نال چیئرمین پی ایچ اے اعجاز حسین جنجوعہ ملاقات کیتی۔چیئرمین پی ایچ اے اعجاز جنجوعہ ایڈیشنل انسپکٹر جنرل آف پولیس جنوبی پنجاب کوں تعیناتی تے خوش آمدید آکھیا۔ ملاقات اچ جنوبی پنجاب اچ پولیس ریفارمز بارے تبادلہ خیال کیتا گیا ۔ایں موقع تے گال مہاڑ کریندے ہوئیں ایڈیشنل آئی جی ظفراقبال آکھیا جو عوام دے تعاون دے بغیر تبدیلی ممکن کائنی انہاں آھیے جو پولیس کوں عوام دا خادم بنڑاونڑ تعیناتی دا مقصد اے تاں جو تبدیلی نظر آوے ۔ اے آئی جی ظفراقبال آکھیا جو تھانڑاں کلچر دی تبدیلی ساریں توں اہم مشن اے ۔اعجاز جنجوعہ آکھیا جو ایڈیشنل انسپکٹر جنرل آف پولیس جنوبی پنجاب دی تعیناتی توں عوام دے مسئلے حل تھیسن ۔ملتان کوں ساوا بنڑاونڑ اہم مشن اے ،ایں کیتے عوام کوں بہترین آب و ہوا ڈیونڑ کیتے لکھاں درخت پی ایچ اے لیندا پئے جیں نال ملتان دے گرم موسم اچ تبدیلی آسی ۔