عالمی ادارہ صحت اینٹی وائرل دوا ریمڈیسیور متعلق رہنما اصول جاری کریسی

برسلز۔19اکتوبر (اے پی پی):عالمی ادارہ صحت آکھیے جو او اینٹی وائرل دوا ریمڈیسیور دے استعمال متعلق کجھ ہفتے اچ رہنما پالیسی جاری کریسی۔ ایں دوا کوں کئی ملکاں اچ کووِڈ۔ 19 دے علاج کیتے استعمال کرایا ویندے۔عالمی ادارہ صحت اپنڑے سانجھ توں تھیونڑ آلے ایں دوا دے آزمائشی استعمال دے عبوری نتیجے جاری کیتن جیں توں پتہ لگدے جو کووِڈ۔ 19 توں موت دی روک تھام یا ہسپتال اچ قیام دا ویلھا گھٹ کرنڑ کیتے بظاہر ریمڈیسیور بہوں گھٹ یا کوئی اثر نی رکھیندی ۔ مذکورہ طبّی آزمائش 30 ملکاں 400 توں ودھ ہسپتالاں اچ کیتی گی۔عالمی ادارہ صحت دے ڈائریکٹر جنرل ٹیڈروس ایڈہانوم گیبریسس مزید تفصیلات ڈتیاں۔ انہاں ایں توقع دا اظہار کیتا جو پورے نتائج بہوں وختی شائع کیتے ویسن ،عالمی ادارہ صحت دی سربراہ سائنسدان سومیا سوامی ناتھن آکھیے جو سمجھدی اے جو ملکاں دے قواعد و ضوابط دے ادارے طبی آزمائش دے ڈیٹا دا ول جائزہ گھن تے فیصلہ کریسن تے آیا دوا دا ہنگامی استعمال جاری رکھیا ویسی یا کائناں ۔