لاہور۔24اکتوبر (اے پی پی):وفاقی وزیر ریلوے شیخ رشید احمد آکھیے جو ملکی سیاست اچ اکھاڑ پچھاڑ تھی سڳدی اے ،دسمبر توں 20 فروری تئیں ٻوہاری پھر ویسی ،عمران خان کتھائیں نی ویندے پے بلکہ چار ہفتے اچ مہانگ کوں کنٹرول کریسن ، پاک فوج اتے جمہوری حکومت ہک پیج تے ھے، 90 فیصد قوم پاک فوج نال پیار کریندی اے ، آرمی چیف بلاول کوں فون کرتے وݙے پن دا مظاہرہ کیتا،پیپلزپارٹی بہتر سوچ تے کھیݙدی پئی اے ، پی پی ویلھا آوݨ تے پی ڈی ایم دے او فیصلے قبول کائناں کریسی جیں توں جمہوریت کوں خطرہ ہوسی ،عمران خان مشاورت دی ڳال کرپشن دے کیسز یا این آر او کیتے تیار کائنی ‘حکومت نوازشریف کوں ولا گھن آوݨ اچ کتنی کامیاب تھیندی اے اے ویلھا ݙسیسی۔ ہفتہ کوں ریلوے ہیڈ کوارٹرز اچ پریس کانفرنس نال خطاب اچ انہاں آکھیے جو کوئٹہ اتے پشاور دے جلسے کیتے دعا کریندوں ، ایندے وچ دہشت گردی دا خطرہ اے لیکن جلسیں نال حکومت کتھائیں نی ویندی پئی
