اسلام آباد۔24اکتوبر (اے پی پی):وزیراعظم عمران خان آکھیے جو پاکستان غیر ملکی تسلط اچ رہݨ آلے سارے لوکاں کیتے حق خود ارادیت دی حمایت کریندے، عالمی برادری بالخصوص سلامتی کونسل اپݨی اخلاقی، قانونی، سیاسی اتے سفارتی اتھارٹی کوں بروئے کار گھن آندے ہوئیں جموں و کشمیر متعلق سلامتی کونسل دیاں قرارداداں تے عملدرآمد کراوے ،پاکستان عالمی امن وسلامتی برقرار رکھݨ اچ پوری دنیا وچ یو این امن مشنز اچ آپݨا کردار ادا کیتے ۔اے ڳال انہاں اقوام متحدہ دی 75 ویں سالگرہ دے موقع تے اپݨے خصوصی پیغام وچ آکھی اے ۔انہاں آکھیے جو اڄ عالمی برادری اقوام متحدہ دی 75 ویں سالگرہ منیندی پئی اے ، اڄ توں 75 سال پہلے بانی رکن ملکاں رل تے آندیاں نسلاں کوں جنگ توں بچاوݨ کیتے قواعد تے مبنی بین الاقوامی نظام وضع کیتا۔ اقوام متحدہ دی 75 ویں سالگرہ دے موقع تے آپݨے پیغام وچ وزیراعظم آکھیے جو اقوام متحدہ اچ نوآبادیاتی نظام دی مخالفت اتے ریاستاں دی آزادی دی حمایت اچ ساریں توں اڳوں رہندے ہوئیں پاکستان کوں ایں ڳال تے فخر اے جو اوانسانی حقوق اتے بنیادی آزادیاں دے تحفظ کیتے عالمگیر اقدار کوں برقرار رکھݨ اچ آپݨاں کردار ادا کریسی
