کووڈ۔19 ویکسین نومبر دے چھیکڑ اچ استعمال کیتے دستیاب تھی سڳدی اے، عالمی ادارہ صحت

برسلز۔25اکتوبر (اے پی پی):عالمی ادارہ صحت ڈائریکٹر جنرل تیدروس گیبرے سوس آکھیے جو کووڈ۔19 ویکسین نومبر دے چھیکڑ تئیں استعمال کیتے دستیاب تھی سڳدی اے ۔ادارے دے ڈائریکٹر جنرل تیدروس گیبرے سوس مرکزی دفترتوں ویڈیو پریس کانفرس وچ ݙسائے جو اساں کورونا وائرس دی وبا دے اعتبار توں ایں ویلھے شمالی نصف کرہ ارض اچ ایک نازک دور توں لنگھدے پیوں ، آندے کجھ مہینے اوکھے ہن تے کجھ ملک خطرے دے رستے تے ٹر پئن۔ انہاں ملکی سربراہان دی وسلائی توں اموات سد باب، بنیادی حفظانِ صحت دی خدمات اچ خامیاں کوں ہٹاوݨ سکولاں کوں ول بند کرݨ دا سد باب کرݨ کیتے وختی طور تے اقدامات چاوݨ دی اپیل کیتی اے ۔