گیانا وچ سارے فریقین تشدد روکݨ کیتے وختی اقدامات،سکیورٹی فورسز تحمل دا مظاہرہ کرے، سیکرٹری جنرل اقوام متحدہ

اقوام متحدہ۔23اکتوبر (اے پی پی):اقوام متحدہ دے سیکرٹری جنرل انتونیو گوٹریش مغربی افریقی ملک گیانا اچ اتوار کوں تھیوݨ آلے انتخابات دے بعد اپوزیشن ارکان دے حمایتیاں دے خلاف تشدد دی مذمت کریندے ہوئیں آکھیے جو سارے فریقین تشدد روکݨ کیتے وختی اقدامات کرن تے سیکورٹی فورسز تحمل دا مظاہرہ کرے ۔ذرائع ابلاغ موجب سیکرٹری جنرل دے ترجمان سٹیفن دوجارک بیان وچ آکھیے جو سیکرٹری جنرل انتونیو گوٹریش تشدد وچ مرݨ آلے لوکاں تے املاک کوں ضیان پڄاوݨ تے ݙکھی ہن ،انہاں متاثرین دے خانداناں نال ہمدردی تے زخمیاں دی وختی صحت یابی کیتے نیک خواہشات دا اظہار کیتے۔ ترجمان آکھیے سیکرٹری جنرل سارے فریقین تے زور ݙتے جو اوتشدد کوں روکݨ کیتے وختی اقدامات کرن ۔سکیورٹی فورسز نازک صورتحال وچ تحمل کرے۔