لاہور۔24نومبر(اے پی پی)پنجاب کابینہ میاں شہباز شریف اتے انہاں دے پتر حمزہ شہباز کوں پنچ ݙینھ کیتے پیرول تے رہا کرݨ دی منظوری ݙے ݙتی اے۔ اے اہم فیصلہ وزیراعلیٰ سردار عثمان بزدار دی صدارت  اچ  تھیوݨ آلے ہک اہم اجلاس اچ کیتا ڳئے۔ اجلاس اچ میاں شہباز شریف اتے انہاں دے پتر حمزہ شہباز ولوں پیرول تے رہائی دی درخواست تے غور کیتا ڳئے اتے انسانی بنیاداں تے انہاں دی رہائی دی منظوری ݙتی۔ مسلم لیگ (ن) میاں شہباز شریف اتے حمزہ شہباز دی ݙو ہفتے دی رہائی کیتے ن لیگ دے رہنما عطا اللہ تارڑ درخواست ڈپٹی کمشنر لہور کوں جمع کرائی ہئی۔ درخواست اچ 2 ہفتے دی پیرول دی استدعا کیتی گئی ہئی، جیندے اچ موقف اپݨایا گئے جو شہباز شریف قائد حزب اختلاف قومی اسمبلی اتے حمزہ شہباز قائد حزب اختلاف پنجاب ہن، انہاں نال سارے ملک دے لوکاں تعزیت کرݨ آوݨے، ایں سانڳے 2 ہفتے دی پیرول تے رہائی ݙتی ونڄے۔