تہران۔5نومبر (اے پی پی)ایران دے صدر ڈاکٹر حسن روحانی آکھیے امریکا دے صدارتی انتخابات دے نتیجے بھاویں جو وی ہوون تہران دی واشنگٹن دے حوالے نال پالیسی تبدیل نہ تھیسی ۔ ایرانی نشریاتی ادارے موجب صدر روحانی تہران اچ کابینہ اجلاس دے بعد میڈیا نال ڳال مھاڑ کریندے ہوئیں آکھیے جو امریکہ اچ جیرھا وی جتے اساݙی پالیسی نہ بدلسی ۔انہاں آکھیے جو امریکاعالمی قوانین دے تحت سارے معاہدیں تے واپس آوے اتے ایرانی عوام دا احترام کرے، اتھاں جیرھی وی حکومت آسی اینکوں پابندیاں دی بجائے ایران دا احترام کرݨا ہوسی۔انہاں آکھیے جو امریکا کوں اپݨے ماضی توں سبق گھنݨ تے مختلف لائحہ عمل اختیار کرݨ دی لوڑھ اے ۔
