سلامتی کونسل عالمی مسئلے حل کرݨ اچ ناکام تھیندی پئی اے ، اقوام متحدہ  دی جنرل اسمبلی دے صدردا بیان

OLYMPUS DIGITAL CAMERA

اقوام متحدہ۔17نومبر  (اے پی پی):اقوام متحدہ  دی جنرل اسمبلی دے صدر و ترک سفارتکار وولکن بوزکیرعالمی مسائل نال نمٹݨ اچ سلامتی کونسل دے کردار تے تنقید کریندے ہوئیں آکھیے جو اومسابقتی مفادات پاروں عالمی مسائل دے حل اچ ناکام تھیندی پئی اے ۔ فرانسیسی خبر رساں ادارے موجب انھاں گزریل ݙینھ سلامتی کونسل اچ اصلاحات متعلق بحث وچ ڳالھ کریندے ہوئیں آکھیے جو سلامتی کونسل بین الاقوامی امن و سلامتی کوں برقرار رکھݨ دے حوالے نال کئی واری آپ دیاں ذمے واریاں صحیح انداز اچ پوریاں نی کیتیاں ۔ انھاں آکھیے جو رکن ملکاں وچال مسابقتی مفادات اتے ویٹو دے ول ول استعمال سلامتی کونسل دی افادیت کوں محدود کرݙتے اتھاں تئیں جو کئی ضروری انسانی بحراناں دے حل اچ وی سلامتی کونسل ویلھے سر تے مناسب جواب نئی ݙے سڳی ۔انھاں آکھیے جوسلامتی کونسل اچ اصلاحات ٻہوں ضروری تے چیلنجنگ تھیوݨ دے نال نال ناگزیر تھی ڳئن۔