لاہور۔24نومبر(اے پی پی)کھٻے ہتھ دے اوپنر فخر زمان دے کوویڈ 19 ٹیسٹ دی رپورٹ منفی آڳئی اے،فخر زمان ہݨ لاہور توں مردان ویسن۔ پی سی بی ترجمان موجب اوپنر دا کوویڈ 19 ٹیسٹ گزریل ݙینھوار ڳھدا ڳئے۔ فخرزمان دورہ نیوزی لینڈ کیتے قومی اسکواڈ دا حصہ ہن بھل آݙت کوں قومی اسکواڈ دے نیوزی لینڈ ونڄݨ توں پہلے فخر زمان کوں تیز بخار تھئے اتےا و نیوزی لیند نئیں ونڄ سڳیے۔ نیوزی لینڈ دی حکومت اتے بیرون ملک سفری ہدایات موجب بخار پاروں فخر زمان اسکواڈ توں باہرو تھی ڳئن۔
