مشیر خزانہ حفیظ شیخ دی زیرصدارت ای سی سی  دا اجلاس، نیشنل انفارمیشن ٹیکنالوجی بورڈ کیتے 53 ملین روپے رکھݨ دی منظوری

APP07-161120 ISLAMABAD: November 16 - Adviser to the Prime Minister on Finance and Revenue, Dr. Abdul Hafeez Shaikh chairing a meeting of the Economic Coordination Committee (ECC) of the Cabinet. APP

اسلام آباد۔16نومبر(اے پی پی)کابینہ دی اقتصادی رابطہ کمیٹی (ای سی سی) نیشنل انفارمیشن ٹیکنالوجی بورڈ(این آئی ٹی بی) کیتے جاری مالی سال 53 ملین روپے رکھݨ دی منظوری ݙے ݙتی اے، اے فنڈز وزیراعظم آفس اچ وزیراعظم دے کامیاب جوان پروگرام کیتے انفارمیشن ٹیکنالوجی خدمات سانڳے لائے ویسن، اجلاس اچ کینو اتے امٻ دی برآمدات کیتے نظام الاوقات بݨاوݨ کیتے وزارت تجارت اتے وزارت قومی غذائی تحفظ وتحقیق دے نمائندیاں دی کمیٹی بݨاوݨ دی وی سفارش کیتی ڳئی اے ڄݙاں جو جاری مالی سال کیتے وزارت دفاع اتے وزارت داخلہ دے چارمختلف منصوبیاں کیتے 4 تکنیکی ضمنی گرانٹس دی منظوری وی ݙتی ڳئی۔ اجلاس اچ وزارت انفارمیشن ٹیکنالوجی وٹیلی کمیونیکیشن ولوں سم وسمارٹ کارڈز دی ملکی سطح تے تیاری دی سمری تے غور کیتا ڳئے جیندے کیتے کمیٹی بݨا تے ݙو ہفتے اچ رپورٹ جمع کرݨ دی ہدایت کیتی ڳئی۔ کمیٹی دے اڳواݨ وفاقی وزیرصنعت وپیداوارحماداظہر ہوسن۔ کمیٹی اچ وزارت انفارمیشن ٹیکنالوجی وٹیلی کمیونیکیشن، ایف بی آر، اتےسرمایہ کاری بورڈ دے نمائندے شامل ہوسن۔