ویلنگٹن۔6نومبر (اے پی پی):نیوزی لینڈ دی وزیراعظم جیسینڈا آرڈرن انتخابات اچ کامیابی دے بعد ݙوجھی مدت کیتے اپݨے عہدے دا حلف چا ڳھدے۔ فرانسیسی خبر رساں ادارے موجب حلف برداری دی تقریب جمعہ کوں نیوزی لینڈ دے دارالحکومت ویلنگٹن دے گورنمنٹ ہائوس اچ منعقد تھئی جیں اچ وزیراعظم جیسینڈا آرڈرن اتے انہاں دے وزرا انگلش اتے مائوری زبان اچ اپݨے عہدیں دا حلف چاتے ۔ وزیراعظم جیسینڈا آرڈرن آکھیے جو انہاں کیتے انہاں دا مینڈیٹ بالکل واضح اے اگر انہاں دی ترجیحات کورونا وائرس دی وبا دے خلاف جنگ تے وبا توں متاثرہ معیشت دے بحالی شامل اے ۔
