لاہور۔19نومبر(اے پی پی)وزیراعلیٰ عثمان بزدار خطاطی نال اسمائے محمدؐ دے سوھݨے فن پاریاں اچ ودھ دلچسپی ڈکھیندے کیلی گرافک نمائش اچ رکھیے اسلامی خطاطی دے فن پاریاں دی تعریف کیتی۔نمائش اچ پاکستان، ترکی اتے ٻعے اسلامی ممالک دے خطاطاں دے 350 فن پارے رکھیے ڳین۔ عثمان آکھیا جو ہفتہ شان رحمت اللعالمینؐ صوبہ اچ وݙے مذہبی جوش و خروش اتے عقیدت و احترام نال منایا ویندا پئے، نبی پاک ؐ دی عظمت اتے شان لفظیں اچ نئیں بیان کیتی ونڄ اڳدی، خطاطاں ٻہون جذبے نال پاریاں اچ اسمائے محمدؐ کوں اڳونھا کیتے، نبی پاکؐ امن، تحمل، برداشت، بھائی چارے اتے اتحاد دا سنیہا ݙتے، اڄ وی اسوہ حسنہؐ تے چل تے اساں اپݨے سارے مسلے حل کر سڳدے ہیں۔ معاون خصوصی اطلاعات ڈاکٹر فردوس عاشق اعوان، کمشنر لاہور ڈویژن، سیکرٹری اطلاعات، ایگزیکٹو ڈائریکٹر الحمرا آرٹس کونسل اتے ٻعے حکام وی انہاں دے نال ہن۔
