اسلام آباد۔30دسمبر(اے پی پی) سپیکر قومی اسمبلی اسد قیصر بدھ کوں افغانستان دے وزیر برائے تجارت تے صنعت ناصر احمد غوریانی نال ملاقات کیتی۔ ملاقات اچ ݙو پاسہ تجارت دے ودھارے سودھے آپسی دلچسپی دے معاملیاں تے ڳالھ مہاڑ کیتی ڳئی۔ سپیکر ایں موقع تے ڳالھ مہاڑ کریندیں ہوئیں آکھیا جو سی پیک پاروں افغانستان خطے دے ٻئے ملکاں نال تجارت دا گیٹ وے ثابت تھیسی۔۔افغانستان دے وزیر برائے تجارت و صنعت ناصر احمد غوریانی سپیکر قومی اسمبلی دے افغانستان اتے پاکستان دے تجارت و سرمایہ کاری دے ودھارے سانڳے کیتے ڳئے اقدامات دی تعریف کیتی اتے آکھیا جو پاکستان اتے افغانستان وچال دیرنہ دوستانہ تعلقات اچ نواں دور شروع تھیوݨ ویندا پئے۔ افغان امن معاہدے طے تھیوݨ اچ پاکستان دا کردار قابل ستائش اے۔
