صدر مملکت ڈاکٹر عارف علوی دی صدارت وچ ایوان صدر اچ خصوصی لوکاں دی مالیاتی شمولیت دے حوالے نال اجلاس

اسلام آباد۔4دسمبر (اے پی پی):صدر مملکت ڈاکٹر عارف علوی خصوصی لوکاں کیتے مالیاتی شمولیت کوں یقینی بݨاوݨ دی اہمیت تے زور ݙیندے ہوئیں آکھیے جو انھاں کوں مالی طور تے بااختیار بݨاوݨ تے ملک دی سماجی و اقتصادی ترقی اچ انھاں دا کردار ودھاوݨ کیتے ٻہوں ضروری اے ۔او جمعے کوں اتھاں ایوان صدر اچ خصوصی لوکاں دی مالیاتی شمولیت دے حوالے نال منعقدہ اجلاس دی صدارت کریندے پئے ہن ۔ اجلاس اچ وزیراعظم دی معاون خصوصی تخفیف غربت و سماجی تحفظ ڈاکٹر ثانیہ نشتر،  گورنر سٹیٹ بینک ڈاکٹر رضا باقر، پاکستان بینکس ایسوسی ایشن دے چیئرمین و حبیب بینک دے صدر محمد اورنگزیب اتے ملک دے 27 وݙے بنکاں دے صدور و سی ای اوز ویڈیو لنک دے ذریعے شرکت کیتی۔ اجلاس توں خطاب وچ صدر مملکت آکھیے جو خصوصی لوک معاشرے  دا کمزور طبقہ ھے، انھاں کوں سہولتاں ݙیوݨ تے معاشی بہبود کیتے کم کرݨ پورے معاشرے دی سانجھی ذمے واری اے۔انھاں خصوصی لوکاں دی مالیاتی شمولیت کوں ودھاوں دی ضرورت تے زور ݙیندے ہوئیں آکھیے جو انھاں کیتے آمدورفت تے رسائی  کوں سوکھا بݨاوݨ دے سلسلے اچ اقدامات کیتے ویسن ۔ وزیراعظم دی معاون خصوصی تحفیظ غربت  سماجی تحفظ  ڈاکٹر ثانیہ نشتر اجلاس  کوں خصوصی لوکاں دی فلاح و بہبود کیتے اقدامات بارے ݙسایا ۔